Thursday, January 31, 2013

Friday, July 06, 2012

HAPPY FRIDAY!

Wednesday, June 27, 2012

WOW! (Spoil ahead)

很久沒有"打理"我的blog,找到這段還未post出來的文字。我都忘了Life On Mars的結局是怎樣喇!

***

(又講《Life on Mars》。)
This scene is just totally amazing!
(其實當他一上天台都知道將會發生甚麼事。只是播埋首"Life On Mars",真係毛管戙架!)


看到最後一集,已搞不清究竟警員Sam Tyler(連他自己也糢糊起來)是來自未來還是回到過去了。一直生活在21世紀的他,因為一次交通意外「錯誤地」回到1973年。他深信這是一場惡夢,真實的他--他的軀體還是待在2000年裡的。只是...只是他的大腦不知怎地產生了幻覺,使眼前所見所體驗的,是70年代的曼切斯特。而每一集,Sam除了破案,還在努力地尋找一些線索一點契機,希望可以回到未來。

如每一集的開場白:
"My name is Sam Tyler. I had an accident and I woke up in 1973. Am I mad, in a coma, or back in time? Whatever's happened, it's like I've landed on a different planet. Now, maybe if I can work out the reason, I can get home."


原來,Life on Mars除了意味著活在另一個星球(1973年),還有別的意思。而在1973年裡頭的他,是從Hyde警局調過來的。究竟,為甚麼要是Hyde呢........................


Wednesday, May 09, 2012

嗨!

同事聽到我連番唉唉唉後,忍不住跟我說,

  你每日都好似活向水生火熱中。

Tuesday, December 06, 2011

還在地獄徘徊中。

Tuesday, February 22, 2011

讀村上朝日堂反擊

今早上班途中讀到一篇,作者談到自己很少出席公眾場合。有一次在宴會中露面,一位女士便詫異地說道,村上,你不是自閉的嗎。他後來補充說,自己絕對不是自閉。如果他是自閉症的話,村上龍便是自開症。

讀到這裡,忍不住又笑起來。

Thursday, November 04, 2010

某天,某時裝店內...

(友睇中一件衫,想買回家穿。)
我:你駛唔駛喺屋企著到禁靚呀?
友:我喺屋企扮公主架喎!

Wednesday, November 03, 2010

一段

昨晚約了K吃飯。剛見面,她已急不及待的跟我說起剛才在地鐵發生的事:

K: 頭先搭地鐵果陣,我隔離企左個鬼仔同個女仔。個鬼仔唔差,個女仔身材勁fit。但就睇唔到個樣,佢背住左。無幾耐,個女仔落車,一望,哇,想死。
我: 原來係師奶呀?
K: 又唔係,總之就好唔得啦。但個鬼仔勁望住佢,仲要另轉頭望到佢出左去為止。個女仔一d都唔靚架!!
我: 身材正囉。
K: 但其實我想講既係,果陣我諗,點解個鬼仔剩係望佢唔望我既?
我: (爆笑)

Monday, October 25, 2010

BLACKPOOL (英國拉斯維加斯探案)



本是衝著David Tennant看的,原來還有David Morrisey。這套英劇出奇地好看,一眾演員又跳又唱。我還是頭一次看這種歌舞警匪劇呢。

插入的這段是說David Morrissey的兒子因販賣毒品俾警察找個正著,然後無啦啦一齊唱左首The Smiths的The Boy With A Thorn In His Side。 但...我又好中意喎!

Monday, June 14, 2010

金閣寺



由車站行去金閣寺行到仆晒街,又熱又餓路程又遠。但為左見佢一面,硬住頭皮囉!
(車站指示步行到金閣寺只需20分鐘。我哋無蕩失路都要行成30分鐘以上!!)

化妝品從來不嫌多

在日本,每次進藥房,都在看眼線筆。

我:我會唔會買得太多眼線筆呢?

友:唔會啦,我宜家個手袋入面都有五、六支。

我:......

Friday, April 30, 2010

悶便寫幾句

- 每天都不願返工。不願見到我的仆街同事。
- 脾氣差到極點。就快(已經)變成了面目可憎的中女。
- 迷上看小津安二郎的電影。
- 推薦遠藤周作的《狐狸庵食道樂》。
- These New Puritans!!!!唔啱期!他們3號在大阪,我4號先到!頂!之後的亞洲show也趕不到!錯晒!
- "Bloody Monday 2"不好看。"Liar Game"不錯。

Tuesday, March 09, 2010

哈囉

很久沒有寫blog了!

近來俾大單野煩著,壓力升至新高,心情每天不好,回家唯有煲日劇紓壓(近排真係煲左好多日劇)。今天總算告一段落(唉,希望啦)。開始讀三島由紀夫的《金閣寺》;聽Band of Horses。

如是這樣,日復一日。

Tuesday, January 26, 2010

記昨晚 (上)

嗯,我 又 走 去 看 了 那 套 電 影。這次是和同學仔一起去的。

(背景交代: 受到我連日來的疲勞轟炸,Facebook的不斷搔擾,一見面就:「喂妳點解仲未睇"Bloody Monday"架?」「快啲睇"貧窮男子"啦,超爆笑架!」種種的催眠下,她呢,在星期日考試完結後,便回家從3點鐘煲"貧窮男子"煲到12點。看畢,她的評語是:「真係好好笑,小栗旬勁爆笑呀!(那麼baby呢?)嗯,佢都唔算係主角喎!(...)」然後呢,她還跟我討論東京的樓價問題。「嘩,佢地住果個咁既單位都要成35000円,連廁所都無!」(明明講緊baby架喎!)反晒眼的我,唯有跟著搭腔:「咪即係深水埗既板間房囉!」「連深水埗既板間房都不如!!!」(幹嗎那麼激動呀,講到真係好似預備去租樓住咁喎!)事情就去到這裡。她卻是頭一次看baby的劇的。)

沒有太多觀眾。入場前我問她:「亀梨和也係邊隊野架?」「Kat-Tun。但佢係票房毒藥黎架喎...(開始滔滔不絕地說下去...)」果然是後生一輩,我真的搭不上嘴呀。

電影開場不久,便出現了幾位同學。她立即指著某某說,
「妳bb呀!!」
「乜Q呀?唔係呀!」
「下?好似喎!」
「係,我都有啲覺得似佢細啲果時。但呢個唔係囉!!OK?」
(無言。)

電影末段,有一位客串的男星。他一出場,她便大叫,「嘩!城島茂呀!」(繼續說下去)「妖!好樣衰呀佢!同城島茂一樣禁樣衰呀!!!」我在旁邊大笑起來,她還發出那種不屑的聲音。完場出credit,當出現「石垣佑磨」這個名字時,她便指著熒幕大叫,「係佢喇!果個死人核突佬呀!」散場後我們一路走她一路說,
「妳唔知佢係邊個咩?」(真的不知呀!)
「Vanness呀!」(下?Vanness?)
「吳建豪呀!」(下?下?)
「成班『褲哩』黎架!」(唉,我呢啲中女真係跟不到時下年青人的術語啊!)
「負離子直髮呀!」(...)
「成日喺雜誌都見到佢架!」
(我已經搭不上嘴了。那麼...轉話題吧!)
「講真,乜妳唔覺得成班仆街係得baby似番個正常人架咩?」
「hmm...」
「係囉係囉...佢個髮型係最正常架喇,其他果啲真係人見人打架!」
「hmm...」
「妳有無留意到baby尾指戴住隻戒指呀?」
「有呀!」
「下咁妳都留意到?果然好留意baby呀!」
「點呀?睇唔到又話我唔專心。睇到又話我鍾意baby!」
(好明白我啊!)

待續。

Thursday, January 21, 2010

看戲記

我也不說是哪套戲了,只記記入場前後的一些小事:

- 以為這套戲是沒人看的,就沒有在網上預先買票。點知...頂佢差唔多full house囉,我地坐第二行。買票時,友說: 咁咪好囉,你咪可以近距離對住你baby囉。售票的人聽到這番話,在偷笑。

- 全院都是那些十「九」幾歲的o靚仔o靚妹。友又說: 我地兩個將全場既平均年齡扯高晒!

- 某男主角一出場,全場女生一齊「嘩!!!!」。 當他騎著電單車時又「嘩!!!!」,被人打時又很肉緊地「呀!!!!」。咩事? 去電影院看戲從未有過這種經歷,最多是看驚慄片時全院在尖叫。但這次卻像看演唱會般,全場人士都在興奮地狂呼!我呢,也跟著狂笑起來。友應該好想打爆我個頭!

- 當baby出場時,我的好友,已 經 睡 著 了

- 總之,邊個邊個一出場,大家都在狂叫。但baby出呢,卻沒人叫喎!

- 散場後,友問:你係咪應該俾番50蚊我呢?

Tuesday, January 12, 2010

So sweet



Chris Garneau @Hidden Agenda

Friday, January 08, 2010

說小事



今早看體育新聞,報導馬其頓國腳彭迪夫將加盟國米。他說,其實之前有很多球會找他簽約,薪金還比國米出價的要高。只是,他非常欣賞摩連奴,所以最後就揀了這支球會。然後,電視熒幕映著摩連奴進記招的情況......嘩!佢發生左咩事?好似生意失敗咁款,頭又未梳,又著到核核突突。平時的他不是這樣子的啊!他可是全球最高薪的教練呀,Frank Muller還跟他crossover,那隻錶都要成十幾廿萬的呀!他是那些「執到正一正」「唔係靚野我唔著」的人來啊!怎麼今天......

****


(同學仔剛去了日本旅行,她知道我很喜歡三浦春馬,便影了很多他的廣告回來。)

近來電影看少了,反倒是迷上了日劇。剛剛看完《貧窮男子》、《Tokyo Dogs》和《派遣員的品格》。現在又要趕看 《Bloody Monday》,因為很快便會播season 2了。記得有一堂日語課,老師問某同學喜歡哪套日劇。她答,Bloody Monday。老師不知道這套劇是甚麼來的,那同學便轉用廣東話很訝異地跟旁邊的同學說,「佢竟然唔知咩係《Bloody Monday》喎!(讀「和」音)」老師便又問究竟是誰主演的呀,她竟答不知道!我的天呀,那一刻真的好想舉手說我知呀我知呀,但,我不知道三浦春馬的日語是怎樣讀的......又想想,就算我能用日語說「三浦春馬」,老師也未必搞得清這班90後的演員。在老師心目中,「三浦」就可能只跟「友和」吧!

p.s. 最記得:「三浦友和,我要殺了你!」金城武在《重慶森林》裡咬牙切齒地說道。

Tuesday, January 05, 2010

上課

老師要我們談談日本的名人。我呢,老死都講北野武。(其實第一時間想起的是鳩山,但我連他的名字日語是怎樣讀都不知道,唯有放棄。)

有位男同學又講朝青龍又講甚麼「横綱」,聽到我一頭霧水。前面的同學細細聲問我,「横綱係咪果啲拉麵名?」,大佬我鬼知呀?回家google一下,「横綱」原來是相撲手等級的最高級。又發現,香港真的有一間叫「横綱」的拉麵店啊。

Sunday, January 03, 2010

最爆笑

Q: 如果當年唔玩LMF,你估你宜家會做緊咩?

A: 游擊隊。

Q: 如果LMF今晚無搞show,你打算今晚做咩?

A: 收集情報,密謀政變。



p.s. 好喪!朋友跳到連新買既電話都唔見埋...