亂。癲。

本以為今天會過得很輕鬆。經理身在大陸﹐老闆整天在外開會。發達。

9:15踏進辦公室。見到經理坐左o係道！我袋都未放低﹐他就出來問我﹐個幾間公司你今日俾唔俾到我？（頂！你今日唔係o係大陸架咩？）我答﹐一陣執埋俾你。（我未做完呀！）

結果呢﹐整天都被經理叫來叫去﹐份野改黎改去。改完有要print﹐print完喇﹐點知又要改。

4點多正當我陷入最瘋癲之際﹐我接了爸的電話。

「我宜家o係PP o既Cova飲緊咖啡。你放工過黎啦。」他優閑地說著。

「o下﹖」

（眼見經理已走到我面前）

「你今日係咪會改得o西俾我？」他站在我面前問。

（經理﹐我講緊電話架）

電話對頭﹐「你幾點走得？」

我對著電話筒說﹐「我好快改埋俾你。」

經理﹐「OK啦！」

掛掉電話。

我發癲喇！！