2008年12月23日。全日錯哂。

- 約好中午搞迷你party，同事們交換禮物。但我將整件事忘掉，無帶禮物。

-中午的lunch叫了肯得基外賣。落完order不夠15分鐘，老闆打來叫我們一齊出去食飯!

-(所以未到lunch大家就逼住派禮物。)(事前同事E叫我買他日曆當禮物，因為他說我用緊的那個好靚。)同事C買了日曆給同事E，當他打開那份禮物後即刻變臉。然後對著我做口形說，「錯哂呀!!!!!」

-夜晚諗住和同事E去中環吃雲南米線。到了中環，搵唔到囉。打電話求救啦，10個有8個唔聽電話。有一個仲要反問我「點解要去中環吃」，呆左。

-(最後去了翠華。)同事E說，「喂，你後面有個男仔幾OK架，mix黎架，我諗你會鍾意(!?)。」我斬釘截鐵地說，其實我唔鍾意mix架，ABC我都唔鍾意。他答，「o甘你唔駛望喇。」但我又忍唔住喎，所以臨走的時後，望了一眼......好了，我後面那位，他形容為"MIX"的男子，梳著鮑魚刷頭的，mix????????我的下巴當場跌在地上。完全受驚的我，細細聲問同事E ，「下?同個女仔一起，個女仔著粉紅色衫果個 ，mix??????」「係呀。」「唔係呢，果個喎，兩個人一張臺果對情侶喎??」「你覺得唔OK呀?」「妖!邊忽mix呀?mix咩呀?mix大陸呀?你見過鬼佬未架?之唔之咩叫mix呀?」被我一連串砲轟，他完全呆哂，無聲出。離開了翠華，同事見我稍為冷靜下來，便又繼續反擊，「唔係喎，佢對眼呀，好唔同架!」「痴線，果個o甘既鮑魚刷頭，唔係大陸係咩?」「佢長長地頭髮架!」「長左既鮑魚刷頭嘛!」「......」