驚喜/嚇

老闆於一兩年前接了一個大客﹐乃本地一老字號品牌。我是先頭部隊﹐一星期總有數天「得」在那裡。好友們知道後﹐總不停問我——「有無靚仔呀？」「係咪好有錢架？」「係咪上市架？」而我﹐只能回答「係有錢﹐但無靚仔。個個40以上。」

俊男美女欠奉﹐與我年紀相約的﹐也只有reception小姐一人。她雖只是一位receptionist﹐人工卻與我相約。皮帶手袋Gucciです。有位有錢老闆﹐人工都比人高一點。而工作上出現問題﹐我會跟一位梁小姐週旋﹐她的卡片上寫著office manager﹐大概40來歲﹐衣著保守。不﹐應該說是過時。總之﹐是舊式人辦。

梁小姐數天前傷了眼睛﹐要戴墨鏡。今天一見她﹐我差點驚叫一聲﹕「妳副超係咪Cutler & Gross架？」



她今天一身貫常的舊式打扮﹐戴著一副與Cutler & Gross類似的眼鏡。我在想﹐如果將她那副超放在Portobello出售﹐是會有死硬派去搶的。