記昨晚 (上)

嗯，我 又 走 去 看 了 那 套 電 影。這次是和同學仔一起去的。

(背景交代: 受到我連日來的疲勞轟炸，Facebook的不斷搔擾，一見面就:「喂妳點解仲未睇"Bloody Monday"架?」「快啲睇"貧窮男子"啦，超爆笑架!」種種的催眠下，她呢，在星期日考試完結後，便回家從3點鐘煲"貧窮男子"煲到12點。看畢，她的評語是:「真係好好笑，小栗旬勁爆笑呀!(那麼baby呢?)嗯，佢都唔算係主角喎!(...)」然後呢，她還跟我討論東京的樓價問題。「嘩，佢地住果個咁既單位都要成35000円，連廁所都無!」(明明講緊baby架喎!)反晒眼的我，唯有跟著搭腔:「咪即係深水埗既板間房囉!」「連深水埗既板間房都不如!!!」(幹嗎那麼激動呀，講到真係好似預備去租樓住咁喎!)事情就去到這裡。她卻是頭一次看baby的劇的。)

沒有太多觀眾。入場前我問她:「亀梨和也係邊隊野架?」「Kat-Tun。但佢係票房毒藥黎架喎...(開始滔滔不絕地說下去...)」果然是後生一輩，我真的搭不上嘴呀。

電影開場不久，便出現了幾位同學。她立即指著某某說，
「妳bb呀!!」
「乜Q呀?唔係呀!」
「下?好似喎!」
「係，我都有啲覺得似佢細啲果時。但呢個唔係囉!!OK?」
(無言。)

電影末段，有一位客串的男星。他一出場，她便大叫，「嘩!城島茂呀!」(繼續說下去)「妖!好樣衰呀佢!同城島茂一樣禁樣衰呀!!!」我在旁邊大笑起來，她還發出那種不屑的聲音。完場出credit，當出現「石垣佑磨」這個名字時，她便指著熒幕大叫，「係佢喇!果個死人核突佬呀!」散場後我們一路走她一路說，
「妳唔知佢係邊個咩?」(真的不知呀!)
「Vanness呀!」(下?Vanness?)
「吳建豪呀!」(下?下?)
「成班『褲哩』黎架!」(唉，我呢啲中女真係跟不到時下年青人的術語啊!)
「負離子直髮呀!」(...)
「成日喺雜誌都見到佢架!」
(我已經搭不上嘴了。那麼...轉話題吧!)
「講真，乜妳唔覺得成班仆街係得baby似番個正常人架咩?」
「hmm...」
「係囉係囉...佢個髮型係最正常架喇，其他果啲真係人見人打架!」
「hmm...」
「妳有無留意到baby尾指戴住隻戒指呀?」
「有呀!」
「下咁妳都留意到?果然好留意baby呀!」
「點呀?睇唔到又話我唔專心。睇到又話我鍾意baby!」
(好明白我啊!)

待續。

看戲記

我也不說是哪套戲了，只記記入場前後的一些小事:

- 以為這套戲是沒人看的，就沒有在網上預先買票。點知...頂佢差唔多full house囉，我地坐第二行。買票時，友說: 咁咪好囉，你咪可以近距離對住你baby囉。售票的人聽到這番話，在偷笑。

- 全院都是那些十「九」幾歲的o靚仔o靚妹。友又說: 我地兩個將全場既平均年齡扯高晒!

- 某男主角一出場，全場女生一齊「嘩!!!!」。 當他騎著電單車時又「嘩!!!!」，被人打時又很肉緊地「呀!!!!」。咩事? 去電影院看戲從未有過這種經歷，最多是看驚慄片時全院在尖叫。但這次卻像看演唱會般，全場人士都在興奮地狂呼!我呢，也跟著狂笑起來。友應該好想打爆我個頭!

- 當baby出場時，我的好友，已　經　睡　著　了。

- 總之，邊個邊個一出場，大家都在狂叫。但baby出呢，卻沒人叫喎！

- 散場後，友問：你係咪應該俾番50蚊我呢？

So sweet

Chris Garneau @Hidden Agenda

說小事

今早看體育新聞，報導馬其頓國腳彭迪夫將加盟國米。他說，其實之前有很多球會找他簽約，薪金還比國米出價的要高。只是，他非常欣賞摩連奴，所以最後就揀了這支球會。然後，電視熒幕映著摩連奴進記招的情況......嘩!佢發生左咩事?好似生意失敗咁款，頭又未梳，又著到核核突突。平時的他不是這樣子的啊!他可是全球最高薪的教練呀，Frank Muller還跟他crossover，那隻錶都要成十幾廿萬的呀!他是那些「執到正一正」「唔係靚野我唔著」的人來啊!怎麼今天......

****


(同學仔剛去了日本旅行，她知道我很喜歡三浦春馬，便影了很多他的廣告回來。)

近來電影看少了，反倒是迷上了日劇。剛剛看完《貧窮男子》、《Tokyo Dogs》和《派遣員的品格》。現在又要趕看 《Bloody Monday》，因為很快便會播season 2了。記得有一堂日語課，老師問某同學喜歡哪套日劇。她答，Bloody Monday。老師不知道這套劇是甚麼來的，那同學便轉用廣東話很訝異地跟旁邊的同學說，「佢竟然唔知咩係《Bloody Monday》喎!(讀「和」音)」老師便又問究竟是誰主演的呀，她竟答不知道!我的天呀，那一刻真的好想舉手說我知呀我知呀，但，我不知道三浦春馬的日語是怎樣讀的......又想想，就算我能用日語說「三浦春馬」，老師也未必搞得清這班90後的演員。在老師心目中，「三浦」就可能只跟「友和」吧!

p.s. 最記得:「三浦友和，我要殺了你!」金城武在《重慶森林》裡咬牙切齒地說道。

上課

老師要我們談談日本的名人。我呢，老死都講北野武。(其實第一時間想起的是鳩山，但我連他的名字日語是怎樣讀都不知道，唯有放棄。)

有位男同學又講朝青龍又講甚麼「横綱」，聽到我一頭霧水。前面的同學細細聲問我，「横綱係咪果啲拉麵名?」，大佬我鬼知呀?回家google一下，「横綱」原來是相撲手等級的最高級。又發現，香港真的有一間叫「横綱」的拉麵店啊。

最爆笑

Q: 如果當年唔玩LMF，你估你宜家會做緊咩?

A: 游擊隊。

Q: 如果LMF今晚無搞show，你打算今晚做咩?

A: 收集情報，密謀政變。



p.s. 好喪!朋友跳到連新買既電話都唔見埋...

(說劉翔)「佢行路都贏!」

9點幾，同事甲在座位裡大喊，「劉翔除衫呀!!!!!」。我和另一位同事呢，便齊齊飛到他的座位去看了!!!

早上的初賽，只得5位選手。甲說，「早知我都報名參加啦!」「我都係咁話。我諗住去撞欄。」「我諗住『捐』欄喎!乜你地唔覺得『捐』欄其實係難過跨欄架咩?」「......」

****

香港足球隊贏了北韓，大家都無比興奮。我說好想明天去看決賽啊，甲說，「琴日我去買飛你又唔講?」乙插嘴，「你無講係買足球飛呀，仆街!」說著說著，
甲:其實我係捧日本隊!我諗住聽日著日本隊既波衫!
乙:賣國賊!
甲:邊道有得買香港隊既波衫架......其實香港都有C7架!
我:陳七?
甲:係呀!好勁架佢!
我:我知，佢去熱刺試腳添!
乙:熱刺?好勁啫!
我:你聽日應該未入場已經俾人打死!

(最新消息:啱啱買左飛聽日同痴玲去睇波喇!)

續，看Case 39後

單位剛才在MSN跟我說:我琴晚真係發惡夢呀!夢見有野追住我，然後我叫亞哥細妹拉埋晒窗廉!頂真係搞到我成晚唔敢去廁所呀!
我:下?我琴晚發夢去左巴黎shopping喎!
單位:HOW COME?!?!?!?!
我:我好OK喎!
單位:我唔OK呀!

好驚

差不多有半場是以手遮眼。有一場，都知道是核突野來的了，立即遮實對眼，咩事，隔離左右係咁嘩嘩嘩，搞到我仲驚!最變態的是，明明唔係驚位都要嚇一嚇你。頂我真係嚇到彈起架！(幾次添喇！)連酷愛恐怖驚慄片的單位也作勢話難頂要走。

完場後，成身酸痛。單位不停說好驚好驚，我也驚魂未定。走出大街﹐繼續討論劇情。我們真的當是現實case來分析喎，﹐點解佢要咁咁咁，可能之前點點點，所以先咩咩咩，會唔會係咁呢？

我又跟單位說，喂你覺唔覺Renee Zellweger塊面好緊呀?聽後，她立即扮起Renee來，然後說，我留意左佢好耐架喇，尤其係佢個嘴嘛，佢成日都係咁既!

Doctor Who: The End of Time

HE IS BACK AGAIN!
The Master又再regenerate!
好期待呀!!!!

繼續關於Facebook

昨晚到K家吃麻辣火鍋。見他邊吃邊拿著notebook忘我地玩happy farm，便問...

我:你喺道做緊乜?
K:收割緊。
我:究竟呢個遊戲有咩禁好玩?
K:唉，其實我都唔知。
我:!!!
K:無呀，咪種下菜，偷下人地既野咁囉。但係我唔會偷人野架，全部都係我自己種。
我:就係咁咋?
K:咁唔通去旺角街市租個檔賣晒啲菜呀?
我:.....

一天不可無Facebook呀

(一)
昨晚遇見舊同學，便嚷著要約出來吃飯。
L:妖又話搵埋阿K!約左禁耐，快啲啦!
趕著上堂的我:哎呀好煩呀，你直接喺Facebook約咪得囉!

(二)
老師問某同學，你上班要做甚麼的...
同學答:Facebooking-gu(日式英語)!!!
老師便以日本人最典型的動作，「側著身子作勢要跌落地」一招來回應。
而我們就咯咯地大笑起來。

《Is Anybody There?》

很久沒有看過這樣令我感動的電影，尤其當自己是Michael Caine的粉絲。戲中的他，拿起自己年少英俊的照片，回味著以前意氣風發的時光。就像我，往往只愛鑽進他最燦爛的年代，看到的只有他盛年的光芒。

然後有一夜，在近鏡頭裡看到一頭的白髮，滿臉的皺紋。啊，原來他都這麼老了。

最後一天

走去看了SAM舉辦的Mexican Modern Painting展覽，
總算近距離看過Frida Kahlo和Diego Rivera的畫。
然後想起買了多年的《The Zapatista Reader》，
是時候要「的起心肝」讀讀它。

U2

(我覺得只有"One"聽得入耳。)


1. 我不是U2粉絲。
2. 不明白為何Bono有份提名諾貝爾和平獎而Zack就無。
3. N年前借了表妹一隻U2的《Achtung Baby》。聽了一两次後，私自将它賣掉。
4. 記得讀過一篇黃耀明的訪問，說他有一次見到Bono，緊張到連一個英文字都講唔出。

早兩天跟有10年沒見的堂哥吃飯。他從加拿大回來做表妹婚禮的MC，多年不見，大家都只是閑聊著近况然後都不知說什麼好。大家雖是堂兄妹，畢竟不常見，感覺生疏。我唯有努力找找話題，想着便記起他小時候很喜歡U2(對他的唯一印象)。我問他還喜歡U2嘛，他說不了(嘩好彩，如果佢話仲鍾意，我都唔知點吹)。說著說著，才知道他女友很喜歡The Killers的。我說呀，他們明年來香港，我會去看。他覺得出奇，他們在香港好受歡迎的嗎?我說不是呀，始終都是英國band在香港較流行些。

我又問他，為甚麼你總不回來香港呀，他卻反問我怎麼不去加拿大玩。(請問，加拿大有甚麼好玩的呢?是否要去看一場Celine Dion的演唱會，才算到此一遊呢?)(但，她不是已轉戰拉斯維加斯了嗎?)

他叫我真的要去一趟加拿大，然後帶我去睇當地的indie band喎。(佢到時會唔會呃左我去睇Sum 41架?)

a happy new year

2-JAN-2010 LMF
29-JAN-2010 THE KILLERS

Life on Mars?

(我最鍾意既bowie歌)

****



近排在看BBC的電視劇Life On Mars(主角原來是John Simm)。

第一集有一段是這樣的:當主角Sam被車撞到昏迷，醒來後，卻是置身於另一個世界/時空。這時候，就播起了bowie的Life on Mars......

p.s.要配合劇集的背景，歌曲都是70年代的(最正是看他們逛唱片舖)。而sam上司的房間內，是掛了gary cooper和clint eastwood的電影海報，所以一看此劇便愛上。又有一幕:上司在"the good, the bad and the ugly"的poster前靜思，sam見狀便問:which one are you? 上司「懶」沉重地答:all three. 他是全劇最爆的一個人。

繼續無聊對話

(電話中)

我:Green Day下年黎喎。
G:下?o甘Nirvana呢?幾時黎呀?
(我，笑到講唔到野。)
G:係咪佢既鬼魂會黎呀?

問

LIFE IS BEAUTIFUL?

好多負能量

不停趕deadline，脾氣變得暴躁。事事不如意，甚麼都看不順眼。

昨天，老闆從房裡大喊，「人生本來好happy!」

「本來」丫嘛。唉，點解宜家會搞成咁?