(說劉翔)「佢行路都贏!」

9點幾，同事甲在座位裡大喊，「劉翔除衫呀!!!!!」。我和另一位同事呢，便齊齊飛到他的座位去看了!!!

早上的初賽，只得5位選手。甲說，「早知我都報名參加啦!」「我都係咁話。我諗住去撞欄。」「我諗住『捐』欄喎!乜你地唔覺得『捐』欄其實係難過跨欄架咩?」「......」

****

香港足球隊贏了北韓，大家都無比興奮。我說好想明天去看決賽啊，甲說，「琴日我去買飛你又唔講?」乙插嘴，「你無講係買足球飛呀，仆街!」說著說著，
甲:其實我係捧日本隊!我諗住聽日著日本隊既波衫!
乙:賣國賊!
甲:邊道有得買香港隊既波衫架......其實香港都有C7架!
我:陳七?
甲:係呀!好勁架佢!
我:我知，佢去熱刺試腳添!
乙:熱刺?好勁啫!
我:你聽日應該未入場已經俾人打死!

(最新消息:啱啱買左飛聽日同痴玲去睇波喇!)

續，看Case 39後

單位剛才在MSN跟我說:我琴晚真係發惡夢呀!夢見有野追住我，然後我叫亞哥細妹拉埋晒窗廉!頂真係搞到我成晚唔敢去廁所呀!
我:下?我琴晚發夢去左巴黎shopping喎!
單位:HOW COME?!?!?!?!
我:我好OK喎!
單位:我唔OK呀!

好驚

差不多有半場是以手遮眼。有一場，都知道是核突野來的了，立即遮實對眼，咩事，隔離左右係咁嘩嘩嘩，搞到我仲驚!最變態的是，明明唔係驚位都要嚇一嚇你。頂我真係嚇到彈起架！(幾次添喇！)連酷愛恐怖驚慄片的單位也作勢話難頂要走。

完場後，成身酸痛。單位不停說好驚好驚，我也驚魂未定。走出大街﹐繼續討論劇情。我們真的當是現實case來分析喎，﹐點解佢要咁咁咁，可能之前點點點，所以先咩咩咩，會唔會係咁呢？

我又跟單位說，喂你覺唔覺Renee Zellweger塊面好緊呀?聽後，她立即扮起Renee來，然後說，我留意左佢好耐架喇，尤其係佢個嘴嘛，佢成日都係咁既!

Doctor Who: The End of Time

HE IS BACK AGAIN!
The Master又再regenerate!
好期待呀!!!!

繼續關於Facebook

昨晚到K家吃麻辣火鍋。見他邊吃邊拿著notebook忘我地玩happy farm，便問...

我:你喺道做緊乜?
K:收割緊。
我:究竟呢個遊戲有咩禁好玩?
K:唉，其實我都唔知。
我:!!!
K:無呀，咪種下菜，偷下人地既野咁囉。但係我唔會偷人野架，全部都係我自己種。
我:就係咁咋?
K:咁唔通去旺角街市租個檔賣晒啲菜呀?
我:.....

一天不可無Facebook呀

(一)
昨晚遇見舊同學，便嚷著要約出來吃飯。
L:妖又話搵埋阿K!約左禁耐，快啲啦!
趕著上堂的我:哎呀好煩呀，你直接喺Facebook約咪得囉!

(二)
老師問某同學，你上班要做甚麼的...
同學答:Facebooking-gu(日式英語)!!!
老師便以日本人最典型的動作，「側著身子作勢要跌落地」一招來回應。
而我們就咯咯地大笑起來。

《Is Anybody There?》

很久沒有看過這樣令我感動的電影，尤其當自己是Michael Caine的粉絲。戲中的他，拿起自己年少英俊的照片，回味著以前意氣風發的時光。就像我，往往只愛鑽進他最燦爛的年代，看到的只有他盛年的光芒。

然後有一夜，在近鏡頭裡看到一頭的白髮，滿臉的皺紋。啊，原來他都這麼老了。

最後一天

走去看了SAM舉辦的Mexican Modern Painting展覽，
總算近距離看過Frida Kahlo和Diego Rivera的畫。
然後想起買了多年的《The Zapatista Reader》，
是時候要「的起心肝」讀讀它。

U2

(我覺得只有"One"聽得入耳。)


1. 我不是U2粉絲。
2. 不明白為何Bono有份提名諾貝爾和平獎而Zack就無。
3. N年前借了表妹一隻U2的《Achtung Baby》。聽了一两次後，私自将它賣掉。
4. 記得讀過一篇黃耀明的訪問，說他有一次見到Bono，緊張到連一個英文字都講唔出。

早兩天跟有10年沒見的堂哥吃飯。他從加拿大回來做表妹婚禮的MC，多年不見，大家都只是閑聊著近况然後都不知說什麼好。大家雖是堂兄妹，畢竟不常見，感覺生疏。我唯有努力找找話題，想着便記起他小時候很喜歡U2(對他的唯一印象)。我問他還喜歡U2嘛，他說不了(嘩好彩，如果佢話仲鍾意，我都唔知點吹)。說著說著，才知道他女友很喜歡The Killers的。我說呀，他們明年來香港，我會去看。他覺得出奇，他們在香港好受歡迎的嗎?我說不是呀，始終都是英國band在香港較流行些。

我又問他，為甚麼你總不回來香港呀，他卻反問我怎麼不去加拿大玩。(請問，加拿大有甚麼好玩的呢?是否要去看一場Celine Dion的演唱會，才算到此一遊呢?)(但，她不是已轉戰拉斯維加斯了嗎?)

他叫我真的要去一趟加拿大，然後帶我去睇當地的indie band喎。(佢到時會唔會呃左我去睇Sum 41架?)

a happy new year

2-JAN-2010 LMF
29-JAN-2010 THE KILLERS

Life on Mars?

(我最鍾意既bowie歌)

****



近排在看BBC的電視劇Life On Mars(主角原來是John Simm)。

第一集有一段是這樣的:當主角Sam被車撞到昏迷，醒來後，卻是置身於另一個世界/時空。這時候，就播起了bowie的Life on Mars......

p.s.要配合劇集的背景，歌曲都是70年代的(最正是看他們逛唱片舖)。而sam上司的房間內，是掛了gary cooper和clint eastwood的電影海報，所以一看此劇便愛上。又有一幕:上司在"the good, the bad and the ugly"的poster前靜思，sam見狀便問:which one are you? 上司「懶」沉重地答:all three. 他是全劇最爆的一個人。

繼續無聊對話

(電話中)

我:Green Day下年黎喎。
G:下?o甘Nirvana呢?幾時黎呀?
(我，笑到講唔到野。)
G:係咪佢既鬼魂會黎呀?

問

LIFE IS BEAUTIFUL?

好多負能量

不停趕deadline，脾氣變得暴躁。事事不如意，甚麼都看不順眼。

昨天，老闆從房裡大喊，「人生本來好happy!」

「本來」丫嘛。唉，點解宜家會搞成咁?

誰比誰敗家...唉...

自從爸爸將所有既錢(!!)用黎升級佢既hi-fi*後，便從早到晚地不停「煲機」。

昨天晚上，因為他實在開得太大聲了，所以，我在房裡聽著歌，也要將聲量調高好以蓋過客廳傳來的音樂。

事情就這樣發生了:

11時左右，爸走進房來，跟我說，
「頭先管理處打黎，話有人投訴你開得太大聲喎!」
(我都聽到有電話響既，代表佢唔係老作?)
「痴線!投訴你咋掛?!」
「無可能，我閂晒窗。)
(OK，我開左窗。)
「真係有人打黎投訴呀?」
(依然唔信囉。)
「佢話聽到好嘈唔知係咩既聲音，o甘肯定係講緊你啦!」
「......」


*早兩天問爸，saving passbook放到哪裡去。他答，
「你唔駛搵喇，無錢o係入面架。」
「下??????」
然候他指著面前的hi-fi說，
「呢，d錢o係晒道。」
「下??????」
「第時你無錢咪賣晒佢地囉!」
「下??????」

can anyone tell who he is?

(taken in 1956. he was only 26.)

加入大軍

下班後，在地鐵車廂裡/巴士裡/小巴裡，拿著電話狂爆粗，狂complain公司裡每一件事/每一個人......

強烈推介 - Sondre Lerche

來自挪威的Sondre Lerche，樣子有點像Diego Luna。

他說他的音樂很受A-Ha(!!!)影響。

聽了他所有的唱片，全部都好好好好好好好好好好聽。

唔該，笑下。

記得上次和單位去看"Planet Terror"，有一幕，Tarantino帶著「驚艷/嚇」的姿態出現，擺到明是在搞氣氛的。但，院內除了我倆在狂笑踢凳外，其他人，卻如死魚一樣，一點笑聲也沒有。可能，大家都在很認真地思考著喪屍的存在意義，忽略了Tarantino的幽默感。其實Tarantino可愛之處，就正正是他這種玩味的手法，失驚無神醒鑊野你慢慢嘆。然後你細細嘴嚼，回味無窮。

昨晚又跟單位去看"Inglourious Basterds"(她上星期已看了一次。可見她是痴迷昆爺(!)的)。末段，Brad Pitt等人假扮意大利佬(他認為自己能說幾句意文所以順利成章地要扮意大利人)意圖混進德軍的晚會，卻被Christoph Waltz用一口流利的意大利文招待。那一場戲，簡直係我地命。我同單位狂笑啦，笑到扯晒蝦。而又一次，全院觀眾(除了我倆同後面一個女仔)沒一個在笑。嘩咩事呀?是否只有看詹瑞文或是林海峰先識笑呢?

散場後我問單位，點解果一場戲d人可以唔笑既?其實係咪我地無聊，咩都笑一餐?她說，果個明明係個笑位黎架喎，我諗d人應該係get唔到，因為同一時間用德文/意大利文同埋英文既對白，比較亂。(她又說，上次看那場，也沒有人笑!!)

看Tarantino的電影，怎能不笑呀?除了暴力，搞笑也是他的撚手野來的。

Sheldon speaks madarin

「哎呀!嚇死我喇!」


「猛牛在我的床上，很多很多猛牛。」

****

一直都不喜歡Sheldon，超級煩到死。若果我是Leonard，一早就自殺去。但看到S1最尾一集，Sheldon因為不滿中國餐館的食物而走去學國語，為著要跟老闆投訴的搞笑情節...就係o甘，我愛上左佢!