錯

嘴裡掛著,說在口邊一直都是: 3月30日。9:30PM。香港文化中心。Dark Matter。

昨天下午到上環辦工﹐所以相約痴玲6時在中環地鐵站內等,估不到我倆確認位置都需時5-10分鐘。「你係邊?」「車頭囉」「唔見你o既?」「o下?」「車頭 ,箭嘴方向」「係wor ,咪箭嘴方向囉 」「無理由架」「我宜家見到Adidas個廣告,你見到咩?」「er...... 」「er...... 」
「得!見到你」

抵達尖沙嘴時已經7點有多。板前門外人頭甚湧﹐當機立斷改地點吃飯。途中痴玲要我確認地點時間（唔信我o者）﹐一看戲票﹐我慘叫了一聲﹐「真係唔係香港文化中心呀！係大會堂呀！」（！！）痴玲差點大叫說：「對面海？又要過番海？唉﹐o甘點解頭先我地要過黎呢？」「唔知嘛...我地都要去HK Records啦！仲有時間架﹐七點幾之嘛！」她表面平靜﹐內裡「媽叉」著我的也不再說什麼。

在Double Star匆匆吃了晚飯然後到HK Records掃碟﹐$209買得1隻DVD加6隻VCD!Yeah~再有時間到Page One兜個圈兼去Agatha揀飾物。時間盡在手中。

未到9:30已人在大會堂﹐氣定神閒。咪住﹐點解禁多人架？人龍越來越長﹐過了放映時間還未能進場。好悶。我倆的「待睡狀態」已響起警報。未看已覺很累。

完場後感覺空空的﹐好像什麼也沒有看過﹐陳腔濫調﹐沒有感覺。痴玲只說了一句：「原來劉燁真係識英文架。」我也答了一句：「所以咪溝到鬼妹lor！」